الخميس، 25 مارس 2010

افــا يالكويت




لــوالحـزن دمعه مالقينا الـسنين ثـقـال // غفرناه حتى لايصير الفرح مقتول



كثر ماالكلام نحس له فالصدور اغلال // كثر مالغضب يلبس من اقصر رضاه سمول

افــا يالـكويت الـناس مـشـتـك اطـفـال // وعليهم بخلتى بمركضك وانتى كلك طول


افـا يالكويت الناس هذي عطتك رجـال // وعليهم بخلتى بلولوك وانتى كلك لول

افــا وش افــا لـو انها بالـوفا تختال // على الواقع اليائس من الساعد المفتول

افــا لـونكررها لشطك لقيتي الجــال // رمت كل موجه منه خير وعطا وحلول

ربو عندنا عالم وراحـو وهــم عـمّال // غنيين واهل الدار تآكل من المعمول

يـزول الـعمر والمال والا الـغـلا لازال // حديث القلوب اللي نخاطب به المسئول


لنا فـي قيادتنا طـمـوح ورجـا وآمـال // مثل مالهم فينا الولا عطفهم مأمول


بهم مجلس الافعال يشهد على الافعال // ولهم فوق مدلول العطا للرخا مدلول

تقف للرياح العاتيه في الزمان رجـال // مثل مايقف للمعظلات الجسام زحول

نبي موقف شامـخ تفاخـر بـه الاجيال // ويسبق له التاريخ مستقبل المجهول

تــرانا غدينا بين لعبة رجــال اعـمـال //  ذبحنا الغلا والنااااس ماتشرب البترول




0 التعليقات: