أمس كنت رايحه لسوق شرق الظهر تغدينا بماكدونالدز بعد حنه واصرار مني من
زمان مااكلت منه
أول شي لاحظته ان سوق شرق رد لهدوئه اللي افتقده بمهرجان هلا فبراير أول محل
دخلناه كان دبنهامز
المحل انصدمت تغير علي بنسبه 180 درجه من ناحية الترتيب والعاملين حسيت إنه
فقد نظافته وترتيبه
ولاحظت إن العاملين قلوا بشكل ملحوظ .
وبعدها تجولنا بين المحلات المختلفه وبكل محل ندخله كنا نلاحظ ان الجنس الناعم
مختفي وحضور قوي للجنس الخشن بين العاملين ، طبعا جنس خشن من حيث الشكل
فقط إلا من رحم ربي.
وفي جم محل متغيرين وحتى غرف القياس قذره و سكراب تسكرين الباب
حد الباب يكشف!
شرق قبل كان حلو والتمشي فيه يفتح النفس أأما الحين حسافه صج حسافه صار
سوق شرق خرابه!!
2 التعليقات:
ماعليه عزيزتي .. كل شي يتغير بس تبقى ذكرياته .. خبري بدبنهامز شرق ايام الجامعه من سنتين .. كرهته لأنه هالقذارة اللي تقولين عنها لقيتها وللأسف باللبس .. تخيلي ييت أقيس قطعة ولا عليها عطر وريحة جسم؟ لا وفيها لطخه اعتقد حمره .. انصدمت معقوله وصلت هالسوالف لي دبنهامز؟ العاملات والله اعلم يلبسونها وبعدين يردونها وجنه ماصار شي
فعلا تعيش وتشوف
وهني وعافية عزيزتي
صح ذكرياته حلوة
للأسف وصلنا لهالحال بمولاتنا اشكر مرورج العطر :)
إرسال تعليق